Naiwan ang Cellphone, Hindi na Nakabalik...
Isang ordinaryong araw sa klase nang lapitan ako ng aking estudyante para magbahagi ng isang kwento. Akala ko noong una ay isa lamang ito sa mga kwentong nakita niya sa internet, ngunit nang saliksikin ko ang mga detalye, gumuho ang puso ko bilang isang guro. Ito ay isang totoong trahedya na naganap kamakailan lamang (noong May 10) sa South Korea. Isang kwento na nag-iwan ng matinding dusa sa isang pamilya, ngunit nag-iiwan din ng isang napakahalagang aral para sa ating lahat. Ang Masayang Pamamasyal na Nauwi sa Tragedya Nagsimula ang lahat sa isang masayang family trip. Ang pamilya ng 11-taong gulang na batang lalaki (isang Grade 6 student) ay nagbiyahe mula sa lungsod ng Daegu patungo sa sikat na Juwangsan National Park sa Cheongsong. Bandang tanghali, habang nasa tapat ng isang templo sa paanan ng bundok, nagpaalam ang bata sa kanyang mga magulang. Sabi niya, aakyat lang siya nang kaunti pa sa trail papunta sa tuktok (Juwang Peak, na may taas na 720 meters). Dahil nakapag-hike na s...